私日記

個HP開幕啦! 唔係因為Laputa, Guniw Tools, illumina, 和 CLOSE 來港的話都唔會咁快開幕!

2001.4.14 06:30

走遍咁多地方,都買唔到合心水既.........竟然係咁偶然既情況下買到dream shoes........開心到溶喇........唔駛等到星期一行街慢慢搵......好耐冇煮過飯......直情係好耐冇食過飯..........天氣暖番,又進入絕食狀態.......不過真係一 d 都唔肚餓嘛.......

今期只得一個香港人......好丫.......不過實在太某國既人,好似唔係去日本咁........仲以為今個月真係冇朋友o黎玩.....點知真係有!! 點解香港人真係咁鍾意o黎日本...........過到o黎咁耐真係未試過一個月冇朋友o黎.....不過都真係好開心既.....嘻嘻...............大家有心喇!!

BGM: TOUCH / Raphael

2001.4.12 01:15

連續三期都趕稿趕到冇覺好訓........有點像回到去年時,不過現時真的懶了很多,有d 難明以前忙到這樣也能交到稿,現在咁得閒都要攪到咁遲先寫完..... -_____-" 最麻煩都係要出去online.........

多份job做.......好開心的一次........狹山公園的櫻花好靚,可惜落了很多......櫻吹雪真係好靚............最開心都係咁都碰到朋友..........來到這裏發覺原來世界真係細得咁緊要.........碰到朋友的記錄就快到10喇......

去了一處俾人話d櫻花靚到[你唔去你呢世都會後悔] 的地方第五次賞花見,行了這麼久,原來係武道館個門口!!!!................唉..................得啖笑

呢個星期暖了很多......好熱.........

BGM: 一千次日落 / andy hui

2001.4.6 10:15

又一個新學期........原來真係可以考跳班試..........唔知跳唔跳得成呢.......希望啦..............

又去賞花,賞埋都差唔多時間落花喇..........上次賞o左一個通宵真係好舒服,可惜太暗影唔到相.........唔知番到香港仲有冇咁既閒情逸緻去野餐呢..........仲要自己整野食去既.......哈哈

BGM: Can't take my eyes off you / 椎名林檎

2001.3.18 02:24

唉........難得買到平飛4100yen去Disney竟然落雨.......-__-".........冇得睇大巡遊......只得小型的,不過原來落雨時Mickey都要著雨褸跳舞.......哈哈........最可惜都係同唔到公仔影相.........Woody啊!! 好彩都仲睇到煙花先走..........

BGM:21st Century Riot / DRAGON ASH

2001.3.14 00:13

今天簡直覺得自己是個大力士,就快可以同Utopi華等一較高下,俾o左3000幾,好彩安全抵達成田空港......好險好險.......奉勸: 小姐!唔好為o左小小的甜品而失去一碟飯!!!

好耐都未試過有呢幾個字出現,趕稿.......好忙........發覺再唔郁o下........身體機能就很快退化,shopping得一陣就咁累!!唉................

BGM: 那麼愛你為什麼 / Karen Mok

2001.3.12 00:59

LAFORET終於都重新開幕喇.........又可以去行街,其實都係o個D牌子,點解要D人係都要去LAFORET迫呢.........日本人真係好鍾意排隊!!

返埋呢個星期就放假喇.......不過睇怕我都係只能夠返去拎卷睇成績 ,唔知邊日派呢.....心急!!今個假期都會好忙........又要plan行程去玩,唔知真係自己一個人放假會點呢.........應該好悶o掛.........日日都咁得閒,好彩有人過o黎玩.........嘻嘻

BGM: Fragile / EVERY LITTLE THING

2001.3.10 23:40

UTOPIA的MD終於都到手了.........哈哈.......久違了的聲音...........

YUKI真係好可愛......TAKUYA好型啊.......好開心睇到JAM既LIVE,雖然係LAST LIVE.......以後都唔會有D咁可愛既歌聽 lu ........ ;___; 見到 YUKI同TAKUYA一面即使搭o左5000yen的士仲要溫書溫通頂都值得既.......仲有份咁靚既紀念品.......唉........

考完試喇........唉........雪又滑唔成,唯有買紀念品當係慶祝o下啦........呵呵........幾個人咁得閒又走去自由空間坐坐.......終於俾我發現到D唔係行 NT既PC......install到ICQ喇.......以後就唔駛又擇日,又去到咁遠通頂 Q喇....YES啊!!!!!

BGM: 醉 / Utopia

2001.3.3 02:29

仲以為暖番好多.......呢兩日真係凍死人,天氣報告仲話落雪....玩咩.....3月又落過雪?!不過.....又幾想睇多次落雪既........下個星期去滑雪一定好剌激!!!!一定要影張相係訓o係雪地上既.......

又開始做接待既工作......仲要去到機場接機......都係第一次咋......又要逃學......算啦,到時都考完試喇......唔番幾日學.........又唔係好想又冇辦法.......Disney....我又o黎喇...真係好鬼鍾意去....上次追o左好耐都追唔到Woody........今次一定要影到Woody俾魔磨你睇!!! \(^o^)/

BGM: 上次/許志安

2001.2.28 23:52

收到LUNA SEA的年歷......都估到又係那輯相.......整體上都覺得唔係咁靚.....尤其係我的 J 那張大頭相,正正係 3 月,巳經第一時間貼起來, 但越看越不喜歡,影到佢對眼咁細,冇里神氣.......好似幾日冇睡咁,全身既都還過得去....大頭相大部份都唔靚......除了INORAN那張鬆郁矇的幾有'格'....... -_______-"

睇o左一套叫[十二夜]的電影,很好看,十分有趣.......簡單得來卻很有feel..........幾時有套咁既戲我都未聽過既......

咁又話一個月,最後一個星期,又完成一個學期,考試喇..跟住去滑雪.......想到唔會再見到那位老同學真的非常高興!!

BGM: 戀自由/Aaron Kwok

2001.2.27 23:45

D人丫,自己逃學就得,我做一日逃學威鳳就多多o野講,哼!我到現在都只係準確的每個月休息一天咋! 不過真係冇好結果o架...........唔見o左隻SLAVE介指啊..............雖然我仲有第二隻..........話哂都戴o左5年丫........ ;_______;

轉換了新形象.....極度滿意......又終於收到SLAVE的CALENDAR.....不過我竟然唔見o左隻SLAVE介指......唉.....第二張會員証唔見o左,而家又唔埋第一隻介指,雖然我仲有第二隻.....但係呢隻帶足5年喇!睇怕我都要再入過會,要番張會員証!

想食荔枝好耐......今日逃學俾人捉o左去食放題,竟然就有荔枝食,仲食埋幾款雪糕,1000yen!!非常抵!!!咁難得有荔枝,d friend真係做得出拿走了一些,不過最尾都係俾o左我食,yeah!!

好開心可以去睇the brilliant green 同 JAM啊,YUKI啊,TAKUYA啊!!........解散LIVE喎,一定要去睇!第二日考試都係咁話!!

謝謝幫我update了MUSIC ROCK的封面!

BGM: 兒童不宜/Sammi Cheng

2001.2.25 00:30

唉.....以往好少可咁失敗.......上個月巳經衰到唔見o左隻con. 啦,攪到要買acuvue,今日仲踩爛埋隻acuvue......記得帶對con. 給我啊, 小姐!! thanx a lot!

好耐冇 icq.......昨晚真係好開心啊, 冇諗過可以見到咁多人online.....不過好唔慣用 icq2000, d window係咁飛出o黎,d message 打到亂哂......攪到手忙腳亂.....都唔知回緊邊個d message......一開場仲語無論次......哈哈!! 下次唔想去到咁遠online, 都係o係屋企附近好 d...........真係要控制o下唔可以去咁多,唔係都夠錢自己o係屋企online 喇!! 兩星期一次啦......都係星期五 or 星期六啦, 放假嘛.成晚 icq由個list 冇人到越來越多,那種期待[有邊個會出現呢]的心情好有趣, 如果大家下次見到我, 同我 say 句 hello 啦,唔係我唔知你online o架 .....不過唔好怪我問你係邊個喎!

終於都有雪櫃, 仲有一點新傢俬......攪到我大事收拾一番, 結果都係少點東西,清簡d好, 非常整齊,好滿意! 有雪櫃就可以買 '定' 多d野食.....

死, miss o左訂LUNA SEA LAST LIVE VIDEO......到而家都未收到CALENDAR.....又要打電話去SLAVE 問........仲有MATINA欠我的相.........

BGM: 嘆息的風/Luxury

2001.2.23 23:58

好開心呢個星期暖番好多......即刻買o左件薄褸!

聽到BACTERIA的消息.......有點可惜啦,不過玩BAND呢D 野.......離離合合都係好平常既.......人總會變嘛...最緊要係大家做個朋友, 得閒一齊玩啦! 今年日本真係有好多較出名的BAND停止活動 or解散, 有打算搜集資料做個解散特輯.......睇到一本有越的書,不過幾貴又唔抵........

BGM: 至少還有你/Andy Hui

2001.2.20 01.40

每到一段時間就很想打電話給朋友閒談,真幸運可以買到便宜的電話咭,雖然要站在電話亭講. 每次都站在亭內想[打給誰好呢]......這種感覺真有趣,碰到是留言信箱的話,很失望啊........今天打了很多數x通電話都唔通.......哼........

好快有雪櫃了,以後可以買雪糕回家慢慢吃,不再是飯前品......今天又去中野食壽司,當然仲有商店街地庫的軟雪糕,真的很好食,有人話下次要試試食 8個圈的,有冇可能呢.......不過真係極力推介........4個圈都係220yen咋, 中級 size都係240yen咋.......仲有 8種味道.............一流!!

BGM: 複製靈魂/ Arron Kwok

2001.2.17 21:45

終於都可以update個hp了,實在很高興.......^o^......足足四個月了.........應該可以慢慢地成這個hp吧.........實在很享受現在的悠閒生活, 是有生以來的第一次.....有點奢侈的覺感........嘻嘻

睇番d日記...........發覺二千年只能用"忙"字來形容...........那麼今年應該是"閒"字吧.........每天都這麼閒,唯一可以做的只有寫稿,不過天氣咁凍,拎起枝筆都寫唔到字, 寫得一陣就巳經很累, 現在有電腦可以用打的.......可惜唔能夠online......因為實在很貴,唔online 都好既, 費事又一朝到晚o係屋企ICQ..........

朋友們都很羡慕我,每個月都有朋友到訪,而且都好有心的問我要些香港的什麼........除了這裏的contact lens 葯水真的很貴,是須要的外,想來想去也沒有什麼特別想要的了..........

我想我真的很幸福嘛..........很多朋友都說正計劃要來,雖然不知道你們是否真的會來,但有這一句巳經很好了 ^o^.........連自己甚少聯絡的朋友來訪時也特地找我,萬分感謝!! 我下一期是3月中至4月初放假..........有誰來啊,正計劃去滑雪啊,一起吧!! 哈哈 -_-" 希望這一學期快點過去,這三個月上學實在很討厭!!! \ _ / ~~~

唉,還有很多碟趕著要看,最近的新片差不多都看過了.......似乎最出色的還是[花樣年華]........韓文版~~哈哈...........很有味道. 以前從來不看王家衛的電影,是自[春光乍洩]開始看吧..........看完[花樣年華]覺得好似讀ENG LIT時睇電影咁,對白不多,每個動作,場景,道具都有其表達的意思

快3月了,應該是BUDA AP的時候了..........GOOD SHOW吧,很想看看比賽那隻舞啊......唯有下次dl 回家看吧........

BGM:愛定妳/Arron Kwok

2000.9.28 03:32

到這時候，我巳經盡力安排好一切才離開，這個網頁會由千禧笨蛋結他手幫忙管理，麻煩你了！其他部份都未能完成，對不起呢，不知道在那兒可否繼續做到呢？！呢幾日真係忙死了，肥左好多，晚晚都去食飯，嘻嘻，不過，見到好耐冇見既朋友真係好開心！可惜的是有些朋友見不到，在此打句〔對不起，但我不愛你〕！哈哈，學Ｑ的！原定要寫的稿都是無法完成，還是留在機上完成吧！

Utopia:你地記得send d 歌俾我啊!!我要聽人嘔泥! >o< 仲有，負離強，小心照顧阿貓

魔磨:我都係睇唔到天使禁獵區，哼！努力，放假黎探我，我帶你去見我的　ken or J！

叔公 : 我想要個SHOW既VIDEO啊~~~~~~我未睇過!!! \ /

遊人：你們的那一版做好了，你睇我幾好，唔寫稿都同你地做，所以，笨蛋，唔准改啊！

Ｂ仔記：又話俾Ｄ歌我，我都唔記得問你地追，我要聽CARRIER!!!! 幾時進軍國際記得話我知啊!!!

仲有eclipse, uneven, rarity, vertus, lutara, luxury, 隊隊band & 個個人都要努力啊

2000.9.9 01:16

諗番起都真係好開心，好耐未試過玩到咁 high，見佢地拎住枝結他唔放，不停咁搵歌夾真係好好笑，好開心的一個晚上，唱過哂 X 和 LUNA SEA，唔知幾時再可以見到你地咁夾野呢............睇怕o個邊都未必有咁既野玩，真係好多謝大家既關心，雖然識左你地唔係好耐，但你地對我咁好真係非常感動，嘻嘻

記住啊細強，唔可以虐待隻貓，講開又講，間貓屋真係好型好靚..........

開心左一晚，代價係唔記得寫稿，趕死我喇．．．．．．

2000.9.4 01:52

開始了無業遊民的生活，感覺好複雜，不過其實好怕這種太閒的感覺，或許是人人都番工，唯獨你一人自己唔知做什麼好..........唉

BACTERIA真是一隊令人意外的BAND，認識他們後你會對BAND仔改觀，他們很少去浦，次次約去玩都係BBQ，游水，踩單車，釣魚，好健康既活動，很久也沒有去游水晒太陽了，過了一個舒適寫意既星期日，好開心．上次既ＳＨＯＷ後大家都玩得十分開心，很高興大家都很積極的攪活動，又一呼百應的，好難約得到咁多人，雖然天氣唔好去唔成遊船河十分可惜，不過真係要快點再約多次................最可惜都係出唔成SHOW，仲諗住可以出多次SHOW先走人，唉...... >_<"　所以都話最討厭落雨，破壞一切計劃，豈有此理

回復到以前的PART TIME心情寫稿，很好啊，話雖好像太閒，其實又有多不勝數的工作要做，稿仲未寫完，又要開始幫下MUSIC ROCK，去探各大友好，攪學校既事，溫書，整HP，番學校睇PROMOTION WEEK，收拾房間，唉..............什麼都想帶去，仍然籠罩著不安既心情，多年的夢想實現，很來的是不安，就發覺自己變了很多，想法完全不同了，不過，不失是件好事.............理想中的生活是否真的如此很快便會知曉，這就是我今次遠走高飛最想知道的，即使是未如理想我也會覺得很高興，我要走得瀟洒一點，哈哈......

2000.8.24 15:33

今次真係病死了,呢個星期番得兩日工,點解上天對我咁唔公平............ ;_____; 開心得一日咁少...........跟住就即病,仲要燒到103, 仲要打針, 耍我咩, 仲要病到半死之際聽到RIKA要離開ROUAGE.............. ;______; 試問我冇做錯d 咩............點解要俾咁多打擊我

不過今次既band show真係極其開心極其興奮,TEARS要解散真的很可惜,怎樣也想不到他們會解散.........不過,他們夾了短短的日子但有如此出色的成績真的很煇煌,算是無憾吧!希望大家以後繼續努力吧,我永遠也不會忘記TEARS 這隊樂隊!

也許是第二場的演出, 觀眾明顯熱情很多, 氣氛很好啊, 難以想像唔係HARD CORE BAND 既SHOW都會有人走出台前, 希望以後也會有這種氣氛, 令到台上台下的人都特別興奮,將BAND SCENE 帶到主流去.

很難得能夠幾十人同台食飯, 玩得好開心, 8個鼓佬, 10幾個結他佬一GROUP GROUP 咁企埋一齊影相真係好難得,場面好壯觀...........唔知幾時再有咁既機會呢

站在台邊看他們的演出真的很感動, 台上的時間很短暫, 但背後所花的時間和精神真是難以言喻, 有些人會說台上的演出水準不及在BAND房練習時般好, 這是很自然的, 緊張嘛, 而且面對台下咁多觀眾點都會有點興奮..............

練咁多次都係為這一剎那, 一定要將最好的都SHOW 給觀眾, 因為或許下次的觀眾又不是這些人了, 既然如此, 還有什麼好怕呢, 只得一次, 不可能NG 再來的, 所以我還是喜歡出SHOW和考試多於上堂, 上堂好悶.............好期待9月2 的SHOW, 努力加油 , 等我好番之後先啦

好難忘的一晚，SOPHIA的演出實在是太精彩了，是我有史以來在香港看過最好的一個J ROCK ARTIST 既SHOW！！最主要是他們真的很有心，松岡充的英文很好，還充當其他成員的翻譯，又講英又出埋BODY LANGUAGE，笑鬼死，呢方面佢地就叻過LUNA SEA好多，做足功夫同觀眾溝通，ＲＹＵ如果講多點英文就好好多，不過都係唔好喇，我接受唔到佢做o個 d 動作，哈哈哈，亦接受唔到Ｊ講〔我係Ｊ〕OR INORAN講 [我係INORAN]..................

最正都係佢首歌．．．．．．咁都有得唱．．．．．．．實在有很多野想在LIVE REPORT 講，不過一定唔夠版位．．．．睇下點先

冇去睇的話真係一大損失．．．．．．真係勁正．．．．．．我唔可以講得上是喜歡他們．．．．純粹說這個LIVE真係好好好既機會去認識他們，sohpia 既碟一向在日本都幾賣得，但係人氣麻麻，live 更好多人讚，今次終於見識到，佢地真係好有LIVE POWER

明天(應該話係今晚)就要去睇SOPHIA，又冇得返屋企，唉．．．．今日完全冇做過任何野，最有義意係查左 d info 同睇左ROCK ON 2000 VCD，不過都係睇左Utopia，Tears和Luxury，真係幾好睇，不過唔記得去玩Tomalaruku．．．．．作死喇，只從玩左個game 後，就勁聽STAY AWAY，最尾o個段MUSIC 用o黎排舞真係唔差架........

呢幾日影貼紙相影上癮，因為發現左一部幾好玩，又影得幾靚既機，不過好容易壞機.............

咁又一年了，又係表演季節...........似乎一年比一年差...........聽落都有點怕...........好彩我巳經收山................不過我深信如果我復出，一定仲可以跳得好過佢地...........哈哈...................原來真係點都放唔抵既，每次見到ballerina 既相都好想即刻著番起對鞋.........不過我又未試過人地咁夢見以前上堂既情景............哈哈.........上堂咁辛苦!!! 表演，考試最好...........希望大家都努力啦

唔記得左.............上期J Point 要特別鳴謝玉嬌龍和千禧笨蛋

中毒啊我 ! 竟然中左UNDERGROUND毒.........最終都係頂唔住買左一對.........真係超有型!! 哈哈, 更成功帶動一遍UNDERGROUND 風, 巳經有4個FRIEND 買左..............

仲以為自己好叻............係唯一一個書展後冇病既人...........點知都係衰收尾...........總算完成哂D 稿先病

成個星期冇返過屋企食飯...............突然好掛住住家飯.................不過呢幾日都抖夠喇, 下星期要努力工作!!!

打機白痴挑戰TOMALALUKU...........勁啊!! 又想用ken ,又玩得差, 撞親佢好心痛...........yuki 就唔係咁好玩

痴線架...........救命啊..........做死人喇.........得一個星期，要做好j point 和music rock.........足足一個星期未訓過一覺好既..........豈有此理.........

好彩今晚shopping買番夠本.........唔係一定冇心機再寫落去......... >_< 下星期就係8月了，時間真的過得很快，只剩下少許日子，雖然唔捨得，但係近來又覺得真係要抖抖，唔係死得好快............現在這個決定是絕對正確的...........

潮流興搞production，身邊很多朋友都在工作之餘攪一些活動，為興趣也好，為搵錢也好，都是很好的，這一種工作著實令人見識不少，得到很多經驗，我都堅持繼續攪落去.............跳舞又好，band sound又好，partner們，記住留番個位俾我，我帶ｄ日本band 黎!!

終於都到了書展的來臨，即是艱辛的開始．．．．第一日就巳經11點先走.........鬼死咁多野做~~~~~~~~~仲要寫稿.......music rock又到期，J POINT又要開始新一期　-__-"

個band show完左幾日，其實一早都巳經安下心來，唔係話好high~~~~~可能係自己冇份掛~~~~~~~又或者係一早訓左既關係，呵呵，如果自己有份出show，當然唔係band show，咁就一定好high 喇!! 好懷念 BUDA 比賽，AP~~~~~~~~~~

不過這絕對是一次難忘的經歷.............最開心都係有人話睇完MUSIC ROCK d 訪問所以有興趣去睇SHOW...........以後要俾心機做好個訪問，千祈唔可以放棄這一個專欄

本來諗住昨晚就update , 點知一覺訓到大天光............不過真係好累, 好開心,好彩一早回家訓覺............唔係今日實唔駛番工都得, 真係要返工為書展做好準備

都唔知講乜好, 不停咁聽隻cd...........正!! 睇住d band 一路咁成長真係好開心, 仲好眼訓 -___-" 要努力攪好下一個月的

播video 個感覺好似99 AP o個陣咁感動，o個時係男仔喊得最勁, 哈哈, 攪到隱形眼鏡都跌埋

今天約了松岡充做訪問，或許真是太忙了，所以昨晚沒有準問題，其實來來去去都是那些，只是想多一些個人一點的..............到了今天完成所有稿後才急忙的打了一份問題，趕及拿了print out 便出門去..........想不到竟然有fans 走到上來公司補購之餘還查詢他們的事..........最意外還是她們還想找出誰是我.......間唔中也有收到一些找我的讀者的電話，每次都令我不知所措，唔係太想認，又唔想講大話，知道我是曾經見過某某 Artist 的人後便只會在電話尖叫的更是恐怖................其實我咪又係一個記者or 編輯，我認為冇必要話俾大家知我幾時生日，今年幾多歲，家在哪兒，有幾多兄弟姐妹 -___-" 呢d 唔係玩神秘

充充都唔係想像中咁矮，又係一身黑色打扮，例牌既黑皮褲，不過佢好黑..........好好人，訪問時成日笑，好nice，好好玩............對眼好似識講野咁，有時又講到眉飛色舞，好可惜用了翻譯，所以少了很多時間問題..............最後影相時先鬼馬，一按制佢就舉起ｖ手勢，好彩我都不甘示弱！！哈哈，影得幾靚

最開心當然係佢簽名o係我介紹sophia 那一期既 J POINT 度............佢見到有介紹過 SOPHIA 都非常開心，當然送了一本給他！

好久不曾去商務睇書, 始終最喜歡都係銅鑼灣商務, 最大最齊, 什麼書都有, 睇左一個下午............好舒服, 睇左好耐只係買左本 [令人戰慄的格林童話]........又真係幾好睇

見到好耐冇見既朋友好開心............哈哈..........都畢業做野喇, 仍然係一d都冇變, 仲係咁攪笑

總覺得呢個星期又好閒咁慢慢寫稿, 跟住就好趕..........不過今次唔會既, 我要安排得更好

又新一期既GPA TRAINING.............多左好多我既TEAM MEMBER, 一定會好開心

D 稿總算趕得起, 都巳經七七八八..................今天,實在要多謝一些朋友..............收到您的祝賀真係好好好好開心!!!! ^O^ 雖然有諗過應該會收到電話, 不過真係有D意外........哈哈~~~~~~~~快D 寄禮物黎啊, 仲有相啊!! 您要既野我會搵俾你喇...........放心啦!!............等我又寄D 新形象既相俾你先, aiya~~~~~~冇用啦, 對你黎講都唔新鮮既.........見左咁多年都係呢個樣.............算數

您打電話黎巳經係最大既禮物..........多謝.........下次o係日本or 英國見啦

匆匆忙忙咁去出show, 場地又細, 得個舞池, 仲要周圍圍滿餐桌, 點跳 >___< 結果係踩到右邊同後面o個兩個人各一次, 自己跣左一野.......... -_______-" 好彩, 總算有驚無險...........最攪笑係去到 MUSIC BREAK竟然俾人停左音樂, 好彩咁o岩係 hold 住個pose, 先至冇人發覺............最藝術o個少少部份都俾唔到在場既藝術家睇.........哈哈........

趕........趕..........趕...........稿...........應該OK既, 一定趕得起

終於都換左新形像, 好爽啊, 好耐都未試過............好陌生又好舊既感覺, 真係不得不讚而家既新科技

有很多人話羡慕我既工作, 一來可以寓工作於娛樂, 二來更可以見到自己的偶像, 不過世事既野邊有完美架, 總有佢既缺點..........怎樣也好, 最令我亨受的是寫稿的過程,搜集資料, 搵相, 對稿.........結果如何, 讀者喜歡與否巳經係另外一回事,睇到讚既信固然開心, 彈既亦冇話唔接受, 只是真的冇可能迎合每一位讀者, 有時睇到D 無理既信都識得安慰自己,但係始終都會影響自己既心情............氣在點解要用D 咁既字眼, 咁既語氣.............己所不慾勿施於人

好累...........我耐都未試過一跳跳幾個鐘.............狀態都算唔錯

然仔真係魔鬼............跳死人啦, 又仔細, 樣樣都要即刻執到正一正............咁樣又唔係唔好既, 好清楚囉, 以後都唔會再錯, 跳慣囉.....但係真係排得好慢囉.............得番一個星期...............勁趕..............有d 擔心

好耐冇睇band show..............今晚終於都有啦.............不過好累, 冇乜心機睇...............訓著左幾次..............

嘻嘻..........冇咩好講好寫,個腦唔識諗野啦.............J 幾高,冇想像中咁大隻, 當然係超級型啦, 仲好好人,太多人,冇乜時間,只係傾左一陣,不過巳經好夠, 好開心~~~~~~~~SUGI 真係認得我,一見面就話 LONG TIME NO SEE.............真矢真係好攪笑, 不停咁搗蛋

INORAN真係唔係咁SOCIAL...........笑得好可愛~~~~~~~~河隆真係好靚仔, 好斯文............都係係咁話:秋天啦

BEYOND 的PAUL 都有去.......仲有好多MEDIA, 攪到我都幾唔好意思,有個超級FANS, 傻左咁...............所以呢份工既唔好處係有時咁樣係冇睇得咁放,咁high..............俾佢知道你係fans 真係勁唔好意思...........要收起興奮心情

好累..........行左地方, 買左好多野.........中野真係一個好地方, 乜都想買, 好多 LUNA SEA 野..............咁舊既封面都係百零蚊...........好多CD......最開心都係買到 ROUAGE BOX SET...........2000YEN 咋..............開心

送走左 Eddie, 終於可以舒舒服服地行街..........去左Like a Edison, 自主盤俱樂部......Raphael 衣裝展啊..........到了6點半.....急速趕去赤土反睇下可唔可以有Guniw Tools 睇呢, 最終都係趕唔到~~~~~~~唯有走左去目黑睇下有冇新貨,同埋 Live睇

兩隊band都好好睇,只有時間同OCTPASS傾計.............非常好人, o係 THIRD STAGE 買唔到D 乜野,走人..........留返D 力氣明天睇LUNA SEA

終於都到左啦, 好笨蛋咁由本應4 個站就可以落車變左坐o左個幾鐘頭,經過哂所有地方,去到旅館都巳經6 點幾........ -___-"

第一時間梗係去我至愛既原宿啦...........雖然去到都巳經關哂門咁濟............趁 Laforet 未 close 第一時間入去行得一陣得一陣.............好多靚衫...........BA-TSU 啊...........好型既衫

唔知做乜走左去新宿, 周圍閒盪, 又要等 Eddie 做完 morning 娘。...........走左去 CD 鋪,搵左好耐都唔見有人時..........終於都係叫人搵俾我........好艱難咁等到Eddie 做完野, 差唔多餓死了...........身為後援既我打救左 Eddie 後終於可以安心下來食飯...........結果攪到成 11 點幾先返旅館..........執完野都成兩點........訓日式 TATAMI 真係舒服得不得了, 好靚, 好安心..........

攪左咁多日終於都成行了,9:30機,真係唔敢訓覺,不過結果都係頂唔順,要去訓一陣,夢下我的 J 先

哈哈~~~~~~~終於都穿左啦~~~~~~~~原來一d 都唔痛既~~~~~~~~好high 啊~~~~~~好鬼型啊..........不過我竟然流左少少血..........冇叫魔磨去睇, 真係太浪費~~~~~~~~~~

aiya~~~~~~真係大動作d 都唔得~~~~~~~有少少紅又痛~~~~~~~快d 等傷口好番就可以點跳都得~~~~~~~~~跟住就到期出show~~~~~~~yeah!!!!! 要快 d 諗出show 著咩先..........又要去買.............正啊

竟然又突然有得去日本~~~~~~~呵呵~~~~~~~錢啊~~~~~~~~邊到有快錢搵~~~~~~算啦~~~~~~~今次真係值得去~~~~~~~~luna sea 啊~~~~~~~~我又o黎啦.................

很開心,真的很開心,很快又可以重踏舞台, 不經不覺原來自去年CU的AP以後巳經差不多一年沒有出SHOW了..........不過要在這麼短的時間內學識跳 [戰爭] 真的好趕..........要非常努力呢, 第一當然是要將狀態操FIT一點...........

近這一個月真的很悶........人人都在準備考試, 不是會考便是趕 hon pro, 準備 final..........唉~~~~~~~~~~~連 band show 也沒有得看~~~~~~~~~5月28號吧, 人人都考完試,可以去抖一抖啦.............yeah

趁放假留在家整理下個HP, 又改了很多東西,不過還是不怎麼熟悉去做得更好.............要努力研究............

唉...........第三次啦............又病左............一時咁凍,一時咁熱...........唔病至奇............完成了兩個新的banner, mama那一個是我做的,另一個是魔mo做的..........巳經誠邀魔mo 一起管理這個網頁...........佢咁熟呢d, 以後一定會靚好多!!!

終於都upload 埋music rock 6個封面, 好少有既coloful 封面, 總算叫大功告成~~~~~~~真係等佢出世~~~~~~今期實在趕得好好好好苦!!!!!! 又撞 J POINT 個期, 又有假放~~~~~~所以都要攪到5 號先出到.........希望大家體諒..........今次真的要多謝各大好友.........南宮先生, 殺死哂你地小姐, 還有寒酸先生的頂力相助, 今次才得以完成, 又要努力下一期了~~~~~~~這次的封面兩邊都是 j rock, 也許下期都是, 不過這絕對不是因為上次用椎名和JAM的結果唔好, OR 順從讀者的意見~~~~~~~~~只是各得這個適合而巳...............唔好太多心去諗~~~~~~~亦唔好同我講話你覺得邊隊係 J POP唔係J ROCK, 唔應該出現o係 MR, 究竟 POP 同ROCK 既準則邊個訂既~~~~~~~我好肯定唔係我, 而且MUSIC ROCK 係講J MUSIC 同 ROCK..........唔係只係得ROCK

今個月真係破產啦~~~~~~~~~~咁多雜誌好買, 全部都不容錯過~~~~~~~~尤其是hv, 好多野想買~~~~~~ 仲有宇多田光隻碟未買~~~~~~~~~~快d 去買埋先~~~~~~~~~

原來好多日冇update過個hp,真係做死人啦~~~~~~~死趕爛趕終於趕起哂 J POINT,可以有假放~~~~~~~~一連四日又好似太多~~~~~~本來仲諗住去大嶼山行山,最衰都係某D人o係度講話會落雨,唔落都變落啦,咁落法仲有咩節目啊,最後又係得行街,shopping~~~~~~~~不過都買到滿意既野~~~~~~~~

成日追問邊隊band係咪咩月黎香港開live...........真係唔知啊~~~~~~~唔好再問啦~~~~~~~放過我啦~~~~~~~~~好彩SUGIZO自己黎一黎講話今年會再黎~~~~~~~~~等佢地自己公佈好過啦~~~~~~~最正確,費事俾人話我放流料~~~~~~~~~~~~我都話我D 消息唔靈通啦

呢兩日真係好燥,好煩,什麼事都好像不在自己的控制範圍以內,很討厭這種感覺,無論怎樣做都做不到想要的結果,也許真的是工作太辛苦了,做極都做唔完咁........

到了終於做完了,一心想去抖抖,又要食d 乜乜dinner.........又要睇一日ROCK ON,都咪話唔辛苦,雖說不用購票入場.......但半工作的形式又唔可以做D唔做D,真的很累 >__<"

久休復出真的有點半身不遂.........好痛.......不過跳舞的感覺真的很好,好像找回自己似的..............

今次我真的死於一句 "你都係時候搵返屬於你既舞台" 之下..........真的不愧是PRESIDENT.........好! 等我重出江湖

時間真的過得很快.........去年我還是台上的一份子, 今年巳是台下的觀眾........感觸多不但是因為這個原因, 看見會場內漂亮的裝飾,強勁的音響真的十分羡慕..........想當年, 其實都只係兩年前既事, 我那一年連攪show的基本資金也不夠,慳得一元得一元,那有什麼裝飾可言,現在的科技又先進,要做那些電腦動畫也較易..........他們又找到那麼多好朋友幫手

最幸福還是有BILLY的幫助, 他不但是個出色的舞蹈員和老師, 而是一個全心全意為舞台工作奉獻的人.........看看今晚那些燈光.....BILLY一定找來了很多專業的人員, 為BUDA爭取到一個便宜的價錢, 真的很精彩

當然最高興還是見到BUDA精彩的演出, 大家很團結, 很落力, 看著他們加入BUDA, 成為TEAM MEMBER, 今晚的Annual Performance可以算是一個總結, 又有新的成員了.............新的pre-team水準也很高啊 !! 要繼續努力!!!

很久沒有這麼早便起床.........一大清早便走到黃金海岸睇比賽.............站了一整天, 真的很累...........無論身or心都是............不過看到很多band, 見識了很多...........

今晚既感想係................難明..............跳左乜野呢............

咳到有點半身不遂,冇氣冇力,乜都做唔到,最好就係睇書................好似回到以前咁,好想靜靜地睇書............或者真係因為病啦,唔想去shopping, 唔想去玩, 得閒又走o左去天地, 當代睇書.......................不過搵唔到有什麼好睇既電影小說, 本來想買SLEEPY HOLLOW, 但係原來好薄, 好短.............套戲就真係幾好睇................不過好幸運地竟然給我發現了PENGUIN既書大減價............買兩本有一本係免費,仲有我心愛既作者JANE AUSTEN既書, 都算齊全...........結果就買o左EMMA同SENSE AND SENSIBILITY兩本,$45兩本真係好抵,好開心又有書睇

又睇完一次band show, 本來諗住今日可以復活, 點知都係未好得返,攪到成晚咳到死o下死o下............真係好辛苦..........仲要有大量二手煙................不過都無可避免

今晚..........幾好啊,攪得好開心,好多朋友都o黎睇,好開心,演出既band 玩得好好啊,我都要俾心機攪好下一次既show...................最緊要都係大家開開心心

終於都叫做完成手頭上既工作.............冇脫稿.........下星期既schedule就可以回復正常一點, 又係時候度定下一期了.............

冇去睇KinKi Kids都有d 可惜................估唔到有咁多friend 接o左呢個show去跳, 好high 咁話~~~~~~~

不用多說.........蓮巳病死了...............希望菊還能在..............

慘啦慘啦.............MUSIC ROCK 今次真係脫期了, 因為實在趕不了...........

今晚又去睇o左, 唔係, 係聽了BAND仔樂園的錄音, 每次也很好笑, 由於被訪問的樂隊是完全沒有事前準備的, 所以全部的對話都是即席的發揮, 好真,好有趣! 不過.............我好像變了是新城的員工, 這個節目的接待員.................但絕對是很好的經驗 !!

唉..............20號的band show竟然要改期...........很想睇show啊.................又要等多一星期................^___^"

很久沒有回家食飯了.......................哎呀..............個胃有點唔舒服...................

很久巳沒有去comic world, 今天去到好像熱鬧了不少, 不過攤位好像不怎麼多, 反而是cosplay的人很多, 什麼也有, 有些真的很似呢!!

由明天起又開始忙碌的工作, 因為放假的關係, 今個星期竟然要同時寫J POINT和MUSIC ROCK 的稿,都唔知點算....................努力d 啦, 一定得既!!!!!!!! 快d 做好20號就可以輕輕鬆鬆咁去睇band show

新年..............總括一個字是悶!!!! 冇街行, 冇野買, 冇野好做, 又難約人, 講電話都艱難過人............好彩我租定漫畫..................最怕仲要得個食字, 係咁食............食啊食............不過hello kitty 湯丸又幾好食...........

收到CLOSE既BASSIST TAKESHI 既 e-mail , 真係好啦, 仲叫我一定回佢, TAKESHI 係幾好人o架, 其他member 話佢會回fans 信o架.................

MUSIC ROCK 巳經係第四期啦, 開始加 D POP 野, 但係都以MUSIC 為主, 我知有D 人會覺得唔係咁好, 但係期期都係o個D BAND 我都睇到悶啦...............所以係有必要加其他Artist...........又有人話貴, 唉................其實巳經係月刊, 而且諗o下都知賣既數唔會好多, 鍾意日本野既人有幾多啊.............唔賣咁既價錢點做落去..............BUDGET 又有限, 希望可以快D 做全彩色啦 !!!

轉換了新形象真的好好好滿意, 方便又快捷, 我自己都覺得幾好睇, 唔知下次仲可以轉些什麼呢....................

時間過得真係快, 咁又完成一期MUSIC ROCK..............等o左咁多年, 呢個星期咁又過了,坐在一起見到大家都好似沒有什麼變化, 真係好開心, 我都總算攪得個聚會開開心心, 如果那三位也可以來的話便perfect了...................

呀..............前陣子收到 illumina寄來的賀年卡, 很高興, 總算有點心意, 但想不到連PENICILLIN也寄來了, 但對這間公司的運作真是不敢苟同, 從來都不回覆, 一係等半年................

我的PIERRA病況日漸SERIOUS.....................咁多人選KIRITO o架..................

今年的slave 可謂大手筆, 送d咁利害既聖誕禮物, 不過對我來說沒有什麼用.............新的official 相很正啊...............巳經第一時間放了在這個網頁..............start up gig 既相真係做得好辛苦..............................

前陣子在公司install 了 ICQ , 讓我可以在日間也玩ICQ, 以往晚上在家online時好難得會見到的朋友都可以見到, 真的太好了...............INTERNET, ICQ 真是很WONDERFUL 的, 無論相隔幾遠的人都可以以很方便的方法通訊..............好像在身邊似的.........

有些朋友............無論相隔多少年沒有見面.............都仍然可以一見如故.............雖然巳有幾年沒有見面, 但感覺好像沒有分開過一樣, 經常都在一起似的, 就像以前讀書時的日子...........未能見面時經常都想快些見面, 一起去shopping, 去跳舞, 但是現在很快可以見了, 又覺得好像是沒有什麼大不了, 就像不曾分開過...........哈哈............不過真的很高興, 這幾天都不要買東西了, 留些錢待二人一起去買個飽買個夠..........一定是這幾年來最高興的一次shopping................

知道有VIEWSIC TV 直播的LUNA SEA START UP GIG LIVE VIDEO後, 放工後馬上去買了, 希望快些可以看到..............

返工既返工, 返學既返學啦..................新的一年, 新的目標, 新年快樂.............又要開始寫稿...........今天都唔知做過d 乜.........................終於都買o左Raphael 隻album, 好得意 !!

很久巳沒有online 這麼長時間了...........除了以前做功課時..............今天補放假...........都係留在家...........返工既返工, 返學既趕project, 自己一個人, 都懶得去街............留待明天去玩吧!

時間過得真是快, 去年的COUNT DOWN 還深刻的印在腦海中, 這一生也不會忘記................以前總覺得2000到臨會是很特別的, 但現在又覺得不外如是.............還是照樣的去過熱鬧的count down, 相反更怕去人多的地方, 這樣的日子, 很易失控的.................要小心小心, 雖然 INTERNET 有LUNA SEA 的COUNT DOWN LIVE 看, 但不會看了..........反正又不清不楚, 去TIME SQUARE 又不是看FULL VERSION, 還是去玩好...............很快便有WOWOW的VIDEO 看了..............

現在真的有點擔心MUSIC ROCK VOL.2 會否延期.............因為放假的關係..................巳經開始了第三期的選材了............上次找PIERROT 找得很辛苦..........想不到這期的書大都以他們為封面...............這次的內容也很不錯呢..............真的!!!!!!!

2000年還是有很多期待...............新的一年新的希望...............巳經預見到了...............

真係想殺o左隻狗.....佢真係魔鬼之子......落街食一食飯竟然俾佢推得開個雪櫃出廳咬爛了很多東西............好貴的頸巾變成了爛布..........演唱會飛變成了爛紙.............新買的煙斗都~~~~~~~

睇o左007 .............一直都冇睇開007系列 , 都係因為柴娃娃咁去睇, 當然唔會聽到Luna Sea的新歌..........不過今次的Bond Girl 真係不太漂亮..............

公眾假期要返工真係幾慘..............不過冇所謂啦.........希望 J POINT 不會delay 太多啦..............

終於都完成o左個 band show 啦.........好好好開心.........d band 玩得好好.........觀眾又好high..............但係我好好好累.........對腳好像不是自己的..........不過,最辛苦當然明天仲要寫 live report.............一定要做完先過得聖誕..............如果唔係我會好怨恨本書............Christmas 係好重要既節日啊 !!!!!!!! o係日本就悶啦.........都冇Christmas放............不過呢個時候就有好多 live 睇...........

死啦 music rock 做得八八九九..........但係 J Point 就未寫過...........都唔知點算............只有幾日時間咋............

呢幾日為o左MUSIC ROCK, J POINT,真係有點筋疲力竭的感覺.........看見那些好想寫但又多到堆積如山的稿真是不知怎麼辦..............

對於MUSIC ROCK選材真係一個好頭痛的問題, 我都好想有多點唔同類型的, 唔須要每期都有某些band, 但是市場因素唔可以冇佢地撐住, 近期三隊band都冇新作, 都唔知應該搵邊隊band好, 看見咁樣對本LUNA SEA DOCUMENT BOOK真是眼淚在心裡流..........不過我都想大家睇到一些好睇的訪問.............對於local band 那一part 無論怎樣我都不想取消, 就像LUNA SEA 所講 [音樂是無分界限的], 既然是喜歡 rock, 喜歡 music, 喜歡band 的應該無分是日本的還是香港的, 其實香港也有很多出色的 band, 比日本好的也有很多, 既然連日本的band 也有興趣知道香港的 rock scene 如何, 我都覺得大家也可以去知多一點點, 其實也可以令香港的 rock scene 像日本那樣流行..........很想感受那種 live 的現場感..........

做完MUSIC ROCK 又開始忙J POINT 的稿, 也許是上次一次過寫ASIA BURN ROCK FESTIVAL 的關係, 好像很久沒有寫 ROCK & RIKA 似的, 不知是否寫開有條路, 今次竟然又一發不可收拾, 倒水咁去, 同上次總編大人有得 fight , 次次都超哂page. 上次總編大人寫那編特稿的題目真是吸引, 所以我又要求寫番次, 幾經辛苦才選到12張 album , 真係難以取捨, 這幾天不停聽番這麼多的經典 CD, 雖然很舊, 但好的音樂真係幾時都咁好聽, 今日終於都 load 到隻 MOTHER 來聽, 仍是那樣的令我感動, 尤其是IN FUTURE 一曲, 能夠在 live 中聽過這首歌真的很幸運...........很想哭啊...............其實很想聽一次 live 的MOTHER , 不過那次在真冬之野外散埸時聽過 piano version 都巳感動得不得了, 有很多人都在哭, 但我真的哭不出來, 能看到 live 是這麼幸福的事啊.............那次去 live 真的很難忘, 亦好驚, 我雖然成日病, 但在日本那一次發燒燒到暈就真係有點驚, 又冇醫生睇, 去睇 L'Arc~en 的 live 時真係爬去咁, 睇時真係燒到high o左............幾時先可以再見到我阿 ken 呢...............有冇邊間旅行社可以 sponsor 我機票去見我阿 ken 同我阿 J 呢............不過有我都唔知應該去見我阿J 好還是我阿ken 好............

今天開始為星期六和日的open day 找出那些珍藏, 再見到同Gisho, O-JIRO影的相, LUNA SEA, Gackt 的簽名板, L'Arc~en, Laputa, Guniw, 原來今年真的見到了很多artists, 還要是以往以為沒有得見的, 最可惜都係未能和Gackt 影相, 這還是要多謝總編大人讓我去, 很多事都唔係必然的!!

剛睇完一個band competition, o係 Hot Gossip攪,真係第一次o係那裡睇band show,感覺有點怪.........全晚有8隊band參賽,隊隊都玩得很好, 但都係覺得TEARS玩得最好,好坦白講我唔識樂器,唔知邊個的技術好與唔好,只憑感覺用心來聽.............覺得TEARS好,有可能係因為我喜歡這種類型的音樂,不過他們能做到一種一體感,好齊,好突出............好期待19 號可以再睇到他們

今日係22號,上個月22號又係睇比賽...........比賽真係好睇天時地利人和,出埸的先後,評判的心水和要求.........如果面對不同的評判都能取得好成績才是可喜可賀,真正有實力...........最重要都係從中知道自己的問題, 下次再接再勵...........見到大家有自己的同伴真係好,Quit了BUDA後大家好像只有朋友的感覺,沒有了同伴的感.........係時候要找回一些目標,excitement...........BUDA萬歲!!!!! Mass Dance 努力!!!!

本MUSIC ROCK預計於27號推出,好開心啊 ! 今日都做好所有o野啦, 下星期又開始忙J POINT 啦, 諗定下一期MUSIC ROCK的內容, 有冇人有suggestion 呢.......封面又用邊個好呢............LUNA SEA居然同GLAY 一齊開LIVE, 真係好想去啊, 會唔會又攪到d 電話線jam呢!!!!!!??????

昨晚睇完 bird 的live, 雖然只是唱o左兩首曲, 但都好simple, 好有feel, 唱得好好! 想像不到原來她的個子是這麼小

上次睇中o個對boot 巳經唔係買唔買的問題, 而是幾時買的問題, 都係諗住將呢 d 歡樂分開一點好, 留番d 下一個月

今日又番學校影相, 其實著住o個件野都唔知點影好, 個個都黑色, 拿住花,公仔等, 都唔得自然...........要去影purikura先..........諗起自己個頭都有點煩惱, 點去行禮呢............頂帽應該點好呢............好易跌啊, o係台跌就真係瘀死啦!

這兩天好high 啊, 因為小女子近日改了個新名叫菊蓮, 有d friend 則改了叫做含焉, 仲有霧霞, 最好聽都係南宮賜呢個名...............係咪好有武俠小說feel 呢.........霧霞仲話夾隊band 叫玉蒲團.........一諗起個名就係咁笑, 有 d lose control 啦............菊蓮謝過南宮公子賜名!!!!!!

本 MUSIC ROCK 終於都八八九九啦.............老細真係好人, 臨上機去旅行都幫我做好個封面, 真係好鍾意, 個 logo 簡單得o黎好有feel, 其實今次第一次做主編都唔係咁辛苦, 最苦的都是 Eddie 同 Marcus, Eddie 譯 Dir en grey 同 MALICE, 而 Marcus 則譯 Jiro, 佢地呢 d band 的思維都非常奇怪, 講完都唔知佢講d 乜, 尤其係 MALICE o個篇...........譯到Eddie 叫苦連天.................我就做好多話多唔多, 話少唔少既o野, 不過好好啊, 係 d 自己鍾意既o野, 好清楚知道可以點做, 不過取材就最煩惱, 又想有 LUNA SEA, L'Arc~en, GLAY, MALICE, PIERROT, hide, Dir en, local, Laputa, ROUAGE...............最後的結果都好鍾意, 對稿都對得好high, 好好笑, 篇 JIRO MEETS AIBO 真係幾得意, Marcus 的日譯中水準巳經日漸利害, J ROCKER 講既抽象o野佢巳能完全明白...........哈哈,...........通到靈啦!!!!!

個BAND SHOW 既poster 巳經出o左啦, 好開心啊, hope 多 d 人會去睇啦!!

這兩天這個HP更改了很多o野, 也開始明白同識得點做啦, 他日一定會做得更好.......

今日shopping 又有收穫啦.......終於都俾我買到咁款既裙, 不過真係有點怕第時著住佢入門口俾Boy Boy 咬, 咁就慘啦...........花$200 買張咁靚既床俾佢, 佢會生性 d 啦...........唉...........睇番佢細細隻o個陣 d 相, 就真係幾得意 o既............但個性真係惡魔轉世.........又睇中o左對boot, 真係有點愛boot 成狂了!

今晚睇o左CAS夾o野, 感覺很好, 非常佩服N仔咁唱, 好認真又好攪笑, 真係一隊唔錯o既band!

自中學和同學去過後都一直沒有再去海洋公園, 去過Disney 更加唔想再去, 估唔到今日有機會去, 仲要係夜晚時份, 真係難忘............又想起那次平安夜在日本Disney 睇煙花的美景............今日都算挑戰新記錄啦........玩了6 次機動遊戲, 最恐怖都係吊車, 原來夜晚坐吊車係咁黑o架................不過咁耐冇玩過, 今日都真係好high , 除o左落o左o個一陣雨, 但係點解夜晚都開咁少燈呢..........玩海盜船時唱HONEY 真係非常攪笑..............雖然我冇玩, 但係企o係下面睇都已經好似玩o左咁

攪咁多時間都係用番黑色做hp , 真係多事! 今日真係好唔productive, 只係寫o左兩page 稿,咁慢都唔知點算.............要productive D, 終於都有新一期啦! 好期待 Laputa 佢地 D 相點呢?! 都好靚啊...........佢地睇到會點呢.........又想快 D 到下一期..........

Full 有message 係hp 啦! 好好笑o架.............好想快 D 睇到佢地o係日本雜誌的訪問, 一定好好笑............Aki 個hp 都仲未有動靜...........

又想買衫啦...........以前番學唔會著裙, 所以近期成日買, 又想買CD, 又想...........仲要去睇band show...........呵呵..........

今日同總編大人想出一個好主意, 12月LUNA SEA有COUNT UP LIVE, 當然係好想去啦, 但budget 有限, 竟然想到12月31號出發, 一到就立即去會場, 睇完等天光, 行一陣街就搭機回來, 只係要俾機票錢, 當真的話我就會30號出發, 一日快速shopping, big sale 啊, 住o係 friend 度, 又可以慳 D , 幾好啊!! 不過最近最想睇都係 L'Arc~ec~Ciel.............

Asia Burn Rock Festival 終於都完了, 好high 的一晚啊, 估唔到Laputa 著得咁精彩, 好久都冇見過佢地著成咁啦! 咁多隊o係live 前真係一 d都唔緊張, 仲有說有笑, 都唔知玩得幾開心.

企o係記者席睇都唔知係好唔好, 可以好近但係就冇玩咁high, 下次都係想企番入fans 度............見到d cos-play 已經好興奮, 諗起以前好難得先有錢去日本感受o下live 既 feel, 見o下d cos-play, 現在就easy 好多了, 今日真係企足成日,明天一早又要去到酒店...............有d 怕會起唔到身...........

今日真係好累好累, 去到酒店見到Laputa 一眼後就要出發去機場接Guniw tools, illumina 同CLOSE, Laputa 個 look 比起昨天犀利好多, 哈哈!

CLOSE最nice, 最好玩, 一陣就玩到好friend, 見到Full 同Asaki 好開心啊, 一直都覺得好難先可以見到Guniw Tools, 今次仲可以睇到 live 真係好興奮, 佢地係我最想睇既其中一隊!Asaki 好型啊..............

但係o係車o個陣illumina 同 Guniw Tools 都好靜, 仲以為阿Full好cool, 原來佢咁好人既, 佢地兩個真係好得意, 非常可愛

今日走o左幾轉, 真係辛苦到唔識講...........唉............今年比賽真係輸o左, 不過真係輸得心服口服, Billy 排得真係非常好,今年間間U 的水準都好高,要羸就更加要努力啦!

終於都見到Laputa 啦............Kouichi 真係好型啊!!!!! 俾佢電死啦~~~~~估唔到佢竟然剪短o左頭髮...........有d 失望啊.............但係淺黃色頭髮的佢都好.........好..........好..........型啊........Aki 同 Junji 好nice 啊.........雖然Kouichi 有d cool, 但係同member 就好玩得............o係YMC o個陣就最搞笑...........Aki 笑得好大聲啊............又玩得..........係member中最過癮的一個! Junji 都好好傾啊 !

明天就係比賽啦..........我又唔係有份跳點解會咁緊張呢............BUDA GOOD SHOW ! 加油 !

趕起了Tears的稿, 可以安心去見Laputa 啦.............好緊張好緊張啊.............明天就見到Laputa ...........唔知佢地會係點呢.............唔知佢地nice 唔nice 呢...............好唔好傾呢..........好想快d 見到頭髮長長的Kouichi啊.............真係要早d 訓啦........唔係明天熊貓咁見佢地.............呵呵呵...........唔知佢地個schedule 會係點...........可以跟去哪裡呢.........一齊食o野得唔得呢.........